Në ditën e pestë të armëpushimit midis Izraelit dhe Hamas, Izraeli do të lejojë hyrjen e 600 kamionëve me ndihmë humanitare gjatë ditës së sotme, pas dorëzimit të katër pengjeve të tjera nga Hamas.

Izraeli do të lejojë rihapjen e kalimit kufitar Rafah midis Egjiptit dhe Gazës për të lejuar kalimin e ndihmës humanitare, raporton radiotelevizioni izraelit KAN.

“Me këtë rihapje, 600 kamionë me ndihmë humanitare do të transportohen në Rripin e Gazës nga OKB-ja, organizatat ndërkombëtare të autorizuara, sektori privat dhe vendet donatore”, deklaroi media në faqen e saj të internetit.

KAN saktësoi se rihapja e Rafah për kalimin e ndihmave, vjen pas dorëzimit nga Hamas të katër pengjeve të tjera të martën në mbrëmje si pjesë e marrëveshjes së armëpushimit me Izraelin që u bë e mundur nga ndërhyrja e Presidentit të SHBA-së Donald Trump.